Զինվորի հաշվին հարստացողները պատժվելու են. Վիգեն Սարգսյան

Պաշտպանության նախարար Վիգեն Սարգսյանն այսօր իր հրավիրած ամփոփիչ ասուլիսում,անդրադառնալով գնումների ոլորտում կոռուպցիոն դրսեւորումներին՝ ընդգծեց, որ այնպիսի ընթացակարգեր են մշակելու, որոնք գնումների ոլորտում կբացառեն  կոռուպցիոն դրսեւորումների ոլորտում. «Ոչ թե ամեն անգամ լուծել խնդիրը դարպասապահի մոտեցմամբ, որի արդյունքում շատ խնդիրներ դուրս կմնան: Ցանկանում ենք մատակարարման ոլորտում հանել միջնորդ կազմակերպությունների գործունեությունը և գնումներ անել կոնկրետ արտադրողից: Յուրաքանչյուր խնդրահարույց գործի հետեւից գնալու ենք ու հետևողական ենք լինելու, ու քրեական պատասխանատվության ենք ենթարկելու սահմանին կանգնած զինվորի հաշվին ապօրինի հարստանալու փորձ կատարողներին»: Նախարարը նշեց, որ զինվորի կոշիկը ոչ միայն հարմարավետություն է, այլեւ ազդում է զինվորի ինքնազգացողության վրա. «Նոր պատվիրված կոշիկների բնական կաշվից մասն ավելի շատ է լինելու, որը ավելի հարմարավետ է լինելու, սակայն դա մեզ չի գոհացնում, ու մինչեւ տարեվերջ մենք էլ ավելի լավ կոշիկներ կունենանք»: