ՀՌԱՀ անդամը 14 միլիոն դրամով բնակարան է գնել. «Փաստ»
«Փաստ» օրաթերթը գրում է. Հեռուստատեսության և ռադիոյի ազգային հանձնաժողովի անդամ Կորյուն Առաքելյանը 14 միլիոն 818 հազար դրամով բնակարան է ձեռք բերել: Այս մասին իմանում ենք պաշտոնյայի՝ Բարձրաստիճան պաշտոնատար անձանց էթիկայի հանձնաժողովին ներկայացրած գույքի և եկամուտների 2015 թ. տարեկան հայտարարագրից: Ինչ վերաբերում է Առաքելյանի դրամական միջոցներին, ապա դրանք 2015 թ. հետևյալ պատկերն են ունեցել. տարեսկզբին հայտարարագրել է 500 հազար դրամ, իսկ արդեն տարեվերջին՝ միայն 100 հազար դրամ: Նրա տարեկան եկամուտներն էլ ստացվել են երկու տարբեր աշխատավարձերից՝ կազմելով 7 միլիոն 13 հազար դրամ: Նրա կինը՝ Սուսաննա Մամիկոնյանը, նույն տարում հայտարարագրել է 50 հազար դրամ դրամական միջոցներ և 1 միլիոն 56 հազար դրամ եկամուտ, որն ստացվել է երկու տարբեր աշխատավարձի հանրագումարից: Կորյուն Առաքելյանը ՀՌԱՀ անդամ է ընտրվել դեռևս 2009 թ.–ին: Միաժամանակ նույն տարում ընտրվել է ՀՀ հանրային խորհրդի տարածքային կառավարման և տեղական ինքնակառավարման հանձնաժողովի նախագահ, ապա ՀՀ նախագահի հրամանագրով նշանակվել ՀՀ Հանրային խորհրդի անդամ։ Մանրամասները՝ թերթի այսօրվա համարում:
Հետևեք մեզ Viber-ում
