Փոխմարզպետի որդու սպանությունից 20 օր անց Նորատուսում իրավիճակը դեռ չի հանդարտվում

Armtimes.com-ի Գեղարքունիքի փոխմարզպետ ԱնդրանիկՀակոբյանի որդու՝ Հայկ Հակոբյանի  սպանությունից հետո Նորատուս գյուղում դեռ լարվածությունը պահպանվում է: Հակոբյանի սպանության մեջ մեղադրվող Մեխակ Հարությունյանի ընտանիքն ու հարազատները շարունակում են ընդհատակում մնալ, նրանց տները դեռ շրջապատված են ոստիկաններով ու ոստիկանական մեքենաներով: Նորատուսի գյուղապետ Մեխակ Հարությունյանին շուրջ 20 օր է՝ գտնել հնարավոր չէ: Նրա բջջային համարն անհասանելի է, գյուղապետարանի համարները չեն գործում: ՀՀ քննչական կոմիտեի նախագահի խորհրդական Սոնա Տռուզյանից այսօր տեղեկացանք, որ շարունակում է ուժի մեջ մնալ սպանության դեպքի առթիվ հարուցված քրգործով քննիչի որոշումը՝ մեղադրյալ Մեխակ Հարությունյանի ընտանիքի և նրանց գույքի պահպանության իրականացման վերաբերյալ: ՀՀ տարածքային կառավարման և զարգացման նախարարի մամուլի խոսնակ Կարինե Մանգասարյանից հետաքրքրվեցինք՝ արդյոք դադարեցվել են Նորատուսի գյուղապետի լիազորությունները, ինչո՞ւ գյուղապետարանում որևէ հեռախոսահամար չի գործում: Մանգասարյանն ասաց, որ Մուրադ Հարությունյանի լիազորությունները դադարեցված չեն, նա շարունակում է մնալ գործող գյուղապետ: Մեզ հաջողվեց կապ հաստատել և զրուցել գյուղապետի տեղակալ Վաչիկ Խաչատրյանի հետ: Վերջինս ասաց, որ Մուրադ Հարությունյանն արձակուրդում է, նրան փոխարինում է ինքը:   Մանրամասները՝ սկզբնաղբյուր կայքում