Հայտնի է Երևանի կենտրոնում 12-րդ հարկից ընկած տղամարդու ինքնությունը

ՀՀ ոստիկանության լրատվական ծառայությունից տեղեկանում է, որ հունվարի 26-ին, ժամը 9-անց 30-ի սահմաններում, ոստիկանության Երևան քաղաքի վարչության օպերատիվ կառավարման կենտրոնից Արաբկիրի բաժնում հաղորդում է ստացվել, որ Երևանի Երզնկյան փողոցի թիվ 1 շենքի բակում տղամարդու դիակ կա: Դեպքի վայր մեկնած Արաբկիրի բաժնի քրեական հետախույզները օպերատիվ-հետախուզական անհետաձգելի միջոցառումների արդյունքում պարզել են, որ տղամարդը ժամը 4-ի սահմաններում փորձել է շենքի դրսի պատի վրայով մտնել 12-րդ հարկում գտնվող բնակարաններից մեկը, սակայն այդ ընթացքում սայթաքել ու ընկել է: Ոստիկանները կարժ ժամանակում պարզեցին, որ մահացածը Երևանի բնակիչ, 40-ամյա Արկադի Մխիթարյանն է, որը նախկինում երկու անգամ դատապարտվել է գողության մեղադրանքով: Դեպքի վայրի և դիակի զննությամբ հայտնաբերվել են լապտեր, պտուտակահան, ձեռնոցներ: 12-րդ հարկում հայտնաբերվել է բնակարանի պատուհանից հանված ցանցը: Ոստիկանության քրեագետները դեպքի վայրը ենթարկել են մանրակրկիտ մշակման: Նշանակվել են փորձաքննություններ: Տանտիրոջից հաղորդում է ընդունվել: Կատարվածի մյուս հանգամանքները պարզելու ուղղությամբ միջոցառումները շարունակվում են: