ԵԿՄ վարչության անդամը ռեյտինգային ընտրակարգով է առաջադրվելու

ԵԿՄ վարչության անդամ Ղուկաս Ուլիխանյանը ռեյտինգային ընտրակարգով մասնակցելու է խորհրդարանական ընտրություններին։ Այս մասին Hayeli.am-ի հետ զրույցում ասաց Ուլիխանյանը․ «ԵԿՄ-ի կողմից կա նման մտադրություն, հստակ կլինի, երբ ՀՀԿ-ն կայացնի քաղաքական որոշում»,-ասաց նա։ Ուլիխանյանն առաջադրվելու է թիվ 1 ընտրատարածքում։ Մրցակիցների մասին  «լուրերի մակարդակով» է լսել․ «1999 թվականին էլ եմ մասնակցել ընտրություններին ՀՀԿ-ի կողմից, այն ժամանակ «Միասնություն» դաշինքով եւ հաղթել եմ»,-ասաց նա։ Ուլիխանյանը վստահեցրեց՝ ընտրակաշառք չի բաժանելու, ինչպես նախկինում «բարձր մակարդակի» քարոզարշավ  է իրականացնելու։ Սեդա Ղուկասյան