Ավտովթար Վանաձորում. բախվել են Opel-ը, Mercedes-ն ու Priora-ն. կա վիրավոր. ՖՈՏՈՌԵՊՈՐՏԱԺ

Այսօր՝ հունվարի 25-ին, ավտովթար է տեղի ունեցել Լոռու մարզում: Ժամը 14:00-ի սահմաններում Վանաձոր քաղաքի Գրիգոր Լուսավորիչ 3 հասցեի դիմաց բախվել են Վանաձոր քաղաքի Նժդեհի 34 շենքի բնակիչ, 37-ամյա Սամսոն Հարությունյանի վարած Opel մակնիշի 10 ՏM 777 համարանիշի, Լոռու մարզի Աքորի գյուղի բնակիչ, 43-ամյա Կորյուն Թաթոյանի վարած Mercedes մակնիշի 34 VA 610 համարանիշի և Վանաձոր քաաղաքի Գրիգոր Լուսավորիչ 53 շենքի բնակիչ, 20-ամյա Տիգրան Հարությունյանի վարած Priora 07 XX 777 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով Priora-ի ուղևոր, Վանաձոր քաղաքի Գրիգոր Լուսավորիչ 53 շենքի բնակիչ, 40-ամյա Ռաիսա Հովակիմյանը մարմնական վնասվածքով տեղափոխվել է Վանաձորի բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի աշխատակիցները՝ վաշտի հրամանատար Վահան Էվինյանի, դասակի հրամանատար Գարիկ Մարտիրոսյանի գլխավորությամբ: Ժամանել են նաև ոստիկանության Տարոնի բաժնի օպերատիվ խումբը՝ քրեական հետախուզության բաժանմունքի ավագ օպերլիազոր Ջաղացպանյանի գլխավորությամբ: Վթարի մասին ՃՈ օպերատիվ կառավարման կենտրոնի պատասխանատու հերթապահ Միքայել Աղաբեկյանը տեղեկությունը փոխանցել է ոստիկանության Տարոնի բաժին, որտեղից ժամանել է օպերատիվ խումբը՝ քրեական հետախուզության բաժանմունքի ավագ օպերլիազոր Ջաղացպանյանի գլխավորությամբ: Վթարի փաստով ՃՈ 2-րդ սպայական գումարտակում 5-րդ վաշտի հետաքննիչի կողմից նյութեր են նախապատրաստվում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի [gallery ids="981582,981583,981584"]