Հայաստանը ենթարկվում է Ռուսաստանին. 5 հարցադրում դաշնակներին

«Ես կարծում եմ, որ քաղաքական կոալիցիաները պետք է ձևավորվեն ընդհանուր քաղաքական շահերի, ընդհանուր քաղաքական ծրագրերի, ընդհանուր գաղափարախոսության, ընդհանուր նպատակների հիման վրա: Ես կարծում եմ, որ սոցիալիստական ուղղվածությամբ դաշնակցություն կուսակցությունը և հանրապետական ազատական կուսակցությունը, որոնք սոցինտեռնում, Եվրոպայում մրցակից և հակադարձ շահերով ինտերնացիոնալներ են, պետք է մրցակցեին: Այսինքն՝ դաշնակցությունը պետք է գար փախարինելու հանրապետական կուսակցությանը իշխանությունում: Նրանք քաղաքական հարթակում պետք է լինեն մրցակիցներ»,-Հայելի.am-ի հետ զրույցում ասաց ԳԽ նախկին պատգամավոր, ընդդիմադիր քաղաքական գործիչ Ազատ Արշակյանը: Անդրադառնալով հարցին, թե այսօր Ազգային ժողովում լրագրողների հետ հարց ու պատասխանի ժամանակ, ԱԺ ՀՅԴ խմբակցության պատգամավոր Աղվան Վարդանյանը նկատել է, որ նախկին քաղբանտարկյալը, որին ինքը շատ հարգում է (Ազատ Արշակյան) ասել է, թե Հայաստանում նշանակումները վերահսկվում են Ռուսաստանի կողմից չի համապատասխանում իրականությանը: «Միանալով Մաքսային միությանը, Եվրասիական միությանը, դառնալով «СНГ»-ի անդամ, ОДЕКАБЭ-ի անդամ  Հայաստանի հանրապետության քաղաքական կյանքը էապես և լրջորեն կարգավորվում է Մոսկվայից: Անգամ սահմանների պահպանությունը հանձնված է Մոսկվային»,-ընդգծեց Ազատ Արշակյանը հավելելով, որ Հայաստանը 5 միութենական նշանակության ենթակայության տակ է: «Վերջերս Թաթարստանի պառլամենտը մերժեց Մոսկվայի պահանջը՝ վերացնել նախագահական ինստիտուտը: Հայաստանի հանրապետությունը հրաժարվեց իր ունեցած  նախագահի ինստիտուտից»,-փաստեց քաղաքական գործիչը: Ազատ Արշակյանը գտնում է, որ ՀՅԴ-ին և ՀՀԿ-ին իրարից բաժանող գիծը ավելի խորքային է ու այս կոալիցիոն կառավարման փորձը ապսուրդի է նմանվում. «Սահմանադրությունը հենց ՀՀԿ-ին ու ՀՅԴ-ին դարձնում է մրցակիցներ, քանի որ Հայաստանը սոցիալական երկիր չէ, այլ բուրժուաօլիգարխիկ երկիր է: Դաշնակցությունը կարևոր դեր ունի, բայց նա պետք է կոալիցիա կազմի սոցիալիստական ուժերի հետ  և գործի ընդդեմ օլիգարխիկ բուրժուական ռեժիմի: Այս առումով դաշնակները լքեցին իրենց ընտրազանգվածը»,-փաստում է Արշակյաանը: Արշակյանը զարմանում է, որ դաշնակները կարողանում են հեռու գնալ որդեգրված գաղափարախոսությունից և սկզբունքներից: «Դաշնակցությունը պահանջատեր կուսակցություն է: Միայն ժնևյան փաստաթուղթը արգելք է նրանց միացման համար: Հանրապետական կուսակցության քաղաքականությունը սա մերժում է: Չեմ հասկանում որտեղ պետք է համագործակցեն այս դեպքում: Երբ հայ-թուրքական հաշտեցման հարցում տարբեր մոտեցումներ ունեն»,-հարցադրում հնչեցրեց նախկին պատգամավորը: Ազատ Արշակյանը դիմում է դաշնակցության անդամներին, մասնավորապես Աղվան Վարդանյանին.« Իմ հարգելի մտավորական, բանաստեղծ Աղվան Վարդանյանը թող մտածի այս հինգ հարցերի շուրջ: Թող փորձի գտնել այս հարցերի պատասխանը:Երբ ՀՀԿ-ն հեռանա արդյոք դաշնակցությունը նրա հետ ընդդիմություն կդառնա, չէ որ ՀՀԿ-ի հեռանալու ժամանակը մոտենում է»,-եզրափակեց Ազատ Արշակյանը; Լուսինե Ղազարյան