Բելառուսի դեսպանը կոչ է անում Լապշինի հարցով հապճեպ եզրահանգումներ չանել (տեսանյութ). «Ա1+»
«Ես կոչ եմ անում հայերին՝ երբեք հապճեպ եզրահանգումներ չանել, քանի որ կա մի լավ ասացվածք՝ «Поспешишь, людей насмешишь», իսկ հայերն իմ կարծիքով միշտ եղել են իմաստուն, խոհեմ ազգ»,- նշում է Հայաստանում Բելառուսի դեսպան Իգոր Նազարուկը՝ անդրադառնալով հայտնի բլոգեր Ալեքսանդր Լապշինի ձեբակալմանն ու Անդբեջանին արտահանձնման մասին Մինսկի որոշմանը: Հիշեցնենք, որ Ադրբեջանը Բելառուսից պահանջեց Լապշինին հանձնել՝ Լեռնային Ղարաբաղի Հանրապետություն այցելելու համար (Ադրբեջանը որակում է որպես իր պետական սահմանի ապօրինի հատում): Իսկ Հունվարի 20-ին Բելառուսի Գլխավոր դատախազությունը որոշում կայացրեց Ադրբեջանին հանձնել բլոգերին: «Այս հարցը պետք է քննարկեք ավելի կոմպետենտ մարդկանց հետ»,- նշում է դեսպանն ու հավելում, որ դեսպանատունը չունի այն ինֆորմացիան, որը կհետաքրքրի լրատվամիջոցներին. «Հայաստանում կա գլխավոր դատախազություն, նրանք կարող են գործակցել Բելառուսի գործընկերների հետ եւ լուծել այս հարցը: Եվ հետո, չկա ավելի հեշտ բան, քան գնել ինքնաթիռի տոմս, դեպի Մինսկ, հասնել այնտեղ եւ բոլոր հարցերի պատասխանը միանգամից ունենալ»: Մանրամասները՝ տեսանյութում
Հետևեք մեզ Viber-ում
