Գևորգը շուտով կազատվի՞

Ոստիկանի նկատմամբ բռնություն կիրառելու մեղադրանքով կալանավորված՝ «Հիմնադիր խորհրդարանի» անդամ Գեւորգ Սաֆարյանի պաշտպան Տիգրան Հայրապետյանն տեղեկացրեց, որ Գևորգն իրեն լավ է զգում և այս պահին որևէ բանից դժգոհություններ չունի: «Ամեն ինչ իր մոտ կարգին է, որևէ խնդիր չկա»,-ասաց փաստաբանը: Անդրադառնալով  դատական գործընթացին պաշտպանն ասաց, որ Առաջին ատյանի դատարան միջնորդություն  են ներկայացրել, որպեսզի Գևորգին գրավի դիմաց ազատ արձակեն:  Շուտով դատաքննություն կնշանակվի և միջնորդությունը կքննեն: Պաշտպանը վստահ է, որ իրենց միջնորդությունը  այս անգամ դատարանը  պետք է բավարարի: «Մենք դատարանին ոչ միայն մեր դիրոքոշումն ենք ներկայացրել, այլև միջազգային կազմակերպությունների հիմնավորումները, թե ինչու պետք է Գևորգը գրավի դիմաց ազատ արձակվի: Միջազգային կառույցները բազմիցս ներկայացրել են այն հիմնավորումները, այն դրույթները, բանաձևերը որոնց համաձայն Գևորգը պետք է ազատ արձակվի և գրավի դիմաց միջնորդույթունը պետք է բավարվի: Այս պարագայում գրավ չկիրառելը անտրամաբանական կլինի»-ասաց պաշտպանը: Հիշեցնենք, որ Երեւանի Ազատության հրապարակում Ամանորի գիշերը ընդդիմադիր «Նոր Հայաստանի» անդամների եւ ոստիկանների միջեւ բախումներ էին տեղի ունեցել: Պատճառը տոնածառի հագուստով մայրաքաղաքի փողոցներում շրջող ակտիվիստն էր: Երեք անձ բերման էր ենթարկել, այդ թվում՝ Գեւորգ Սաֆարյանը: Գեւորգ Սաֆարյանին մեղադրանք է առաջադրվել ՔՕ 316-րդ հոդվածի 1-ին մասով՝ իշխանության ներկայացուցչի նկատմամբ բռնություն գործադրելը: Ըստ իրավապահ մարմինների` Գեւորգ Սաֆարյանը բռնություն է գործադրել Ոստիկանության 4-րդ հատուկ գումարտակի հրամանատար, ոստիկանության կապիտան Գեղամ Խաչատրյանի նկատմամբ: Լուսինե Ղազարյան