Գյուղացիներին «պլոմբավորո՞ւմ են» /տեսանյութ/
«Դուստրս ամուսնացած է Երևանում: Մասնագիտությամբ մանկավարժ է և անցնելով սահմանված մրցույթը` աշխատանքի է անցել դպրոցում: Մի քանի օր անց տնօրենը նրան ասում է՝ դիմում գրի ու գնա: Սա իմ դպրոցն է, և ես չեմ ուզում էստեղ աշխատես: Աղջիկս դիմում է գրում ու դուրս գալիս: Հիմա ես կառավարությունից հարցնում եմ՝ ո՞ր օրվանից դպրոցը դարձավ ինչ-որ մեկի հոր դուքյանը … ինչի համար էր մրցույթը եթե հետո պիտի մաղարիչ ուզեր տնօրենը»,-Հայելի.am-ի հետ զրույցում ասաց Արարատի մարզի Գոռավան գյուղի բնակիչ Պետիկ Գյուլգյուլյանը: Գյուլգյուլյանը փորձել է դիմել նախարարին. «Փողոցում մոտեցա որ բողոքս փոխանցեմ, նախարարը շտապում էր ու արհամարհեց գնաց: Նա կարող էր ընդամենը հուշել, որ գնանք դիմում գրենք նորից:Ես դիմում եմ նախարարին ու վարչապետին` մինչև ե՞րբ, ինչքա՞ն կարող է այս վիճակը շարունակվել: Դպրոցները դարձրել են սեփականություն ու մաղարիչ են ուզում»,-ընդգծեց Գյուլգյուլյանը: Նա տեղեկացրեց, որ ընդելության է գնալու Կառավարության կրթության բաժնի պետի մոտ: Գյուլգյուլյանը նկատեց նաև, որ գյուղացիների վիճակը ահավոր է.«Գյուղացիներիս ուզում են պլոմբեն ու օպտիմալացնեն, որ չկորչենք»,-եզրափակեց բողոքող Գյուլգյուլյանը: Աստղիկ Ավագյան Մանրամասները` տեսանյութում:
Հետևեք մեզ Viber-ում
