Դպրոցը հնարավորինս հեռու պահել քաղաքականությունից.նախարար
«Դպրոցը պետք է քաղաքականությունից հնարավորինս հեռու պահել։ Դպրոցը պետք է պահել քաղաքականությունից հնարավորինս դուրս։ Ինչու եմ ասում հնարավորինս, քանի որ փոքր համայնքներում դպրոցի տնօրենն ու ուսուցչական կազմն են, որ քաղաքական մշակույթ են ձեւավորում ու չես կարող նրանց ասել, որ չունենան քաղաքական համոզումներ, կուսակցական պատկանելիություն»,- «Ազատության» եթերում՝ ֆեյսբուքյան ասուլիսի ժամանակ, ասել է ՀՀ Կրթության եւ գիտության նախարար Լեւոն Մկրտչյանը ՝ պատասխանելով քաղաքացիներից մեկի հարցին, Դուք տեսնում եք արդար ընտրություններ, երբ դպրոցի ամբողջ անձնակազմը ՀՀԿ-ական է, եւ տնօրենը իր մոտ է հրավիրում ամբողջ ծնողական կազմին եւ իրենց կամքը թելադրելով ստիպում քվեարկել ՀՀԿ-ականների օգտին։ «Ընտրատեղամաս դպրոցն է դառնում շատ երկրներում, դա նշանակում է, որ այլ շենքային պայմաններ, ըստ էության գոյություն չունեն։ Համոզում ունեմ, որ ընտրական այս համակարգը, որ հիմա մտավ եւ առաջին անգամ փորձարկվելու է, ցույց է տալիս, որ ծնողին շատ դժվար կլինի ասել, որ այդ կուսակցությունների բազմազանության ու ռեյտինգային ցուցակում ընդգրկված 12 կամ 14 հոգուց ընտրիր սրան կամ նրան։ Եթե ադմինիստրատիվ լծակը օգտագործում ես ու մարդուն ստիպում կուսակցության անդամ դառնալ, դա միանշանակ թուլացնում է կուսակցությունը»,-հավելել է նախարարը:
Հետևեք մեզ Viber-ում
