Գնահատողը ես չեմ, այլ՝ հանրությունն է. Խոսրով Հարությունյան
«Եթե որևէ մեկը ունի գործող քաղաքականության հետ սկզբունքային տարաձայնություններ, լուծումը հասկանալի է, բայց կասկածահարույց է, երբ իշխանության մեջ լինելուց հետո կարճ ժամանակահատվածում դառնում են նույն իշխանությանը քննադատողը: Սակայն դրա գնահատողը ես չեմ, այլ՝ հանրությունն է»,-լրագրողների հետ հանդիպմանն ասաց ԱԺ պատգամավոր Խոսրով Հարությունյանը՝անդրադառնալով ներքաղաքական զարգացումներին: Քաղաքական ուժի մոտիվացիան պետք է պայմանավորված լինի ոչ թե իշխանության դեմ պայքար ծավալելով, այլ՝ հանրության մատից փուշ հանելով. Խոսրով Հարությունյանը հանրության մատից փուշ հանող, արատների դեմ պայքարող ուժ է համարում Հայաստանի Հանրապետական կուսակցությանը։ Հարցին, թե այս տարիները բավարա՞ր չէին, որ այդ արատները վերացնեին, նա ասաց, որ որոշ հարցերում հաջողվել է, և ՀՀԿ-ն ապացուցել է, որ արտաքին տնտեսական բարենպաստ պայմաններում ունակ է երկնիշ աճ ապահովել. 2004 թվականին արտագաղթը փոխվել է ներգաղթով, համաշխարհային տնտեսական ճգնաժամի լուրջ ցնցումներից հաջողվել է զերծ պահել երկիրը, զարգացել են քաղաքացիական նախաձեռնությունները:
Հետևեք մեզ Viber-ում
