Որքան աշխատավարձ են ստանում Google-ի աշխատակիցները

Google-ի աշխատակիցների միջին աշխատավարձը գերազանցել է տարեկան 160 հազար ֆունտ սթեռլինգը (ավելի քան 230 հազար դոլար): Այս մասին գրում է Daily mail-ը՝ վկայակոչելով կորպորացիայի բրիտանական մասնաճյուղի հրապարակած ծախսերի վիճակագրությունը: «Google-ի՝ բրիտանական մասնաճյուղի գրեթե երկու հազար աշխատակիցներին վճարված աշխատավարձերն անցած տարի հասել են ավելի քան 562 մլն ֆունտ սթեռլինգի (816.5 մլն դոլար)»,- ասված է հաղորդագրությունում: Ըստ ՌԻԱ Նովոստիի, վերջին շրջանում ընկերությունն ընդլայնվում է: Մասնավորապես, վերջին 18 ամիսներին ավելի քան 500 մարդ է աշխատանքի ընդունվել: Միաժամանակ, հաշվետու վերջին ժամանակահատվածում Google-ի ծախսերի մեծ մասն ուղղված է եղել Եվրոպայի եւ Իռլանդիայի մասնաճյուղերում մարքեթինգային ծառայությունների ֆինանսավորմանը: Այնտեղ կորպորատիվ հարկերը կազմում են 12.5%՝ ի տարբերություն Մեծ Բրիտանիայի 20%-ի: