Բանանն ու շաքարը իրականում Սերժ Սարգսյանի մենաշնորհներն են. Նիկոլ Փաշինյան
ԱԺ պատգամավոր Նիկոլ Փաշինյանը հպարտ է «Ելք» դաշինքի անդրանիկ համաժողովի ժամանակ հայտարարեց,որ եկել է ժամանակը Հայաստանի քաղաքացիներին ցույց տալու, որ եկել է ժամանակը փակելու կոռումպացված Հայաստանի էջը ու բացելու լուսավոր Հայաստանի էջը: Եկել է ժամանակը փակելու խնամի-ծանոթ-բարեկամ, խմբապետական ՀՀ էջն ու բացելու քաղաքացիական Հայաստանի էջը,հավելեց նա.«Մենք սխալվում էինք, երբ ասում էինք, թե բանանի մենաշնորհը Միհրան Պողոսյանինն է, շաքարինը` Սամվել Ալեքսայանինը, իրականում դա Սերժ Սարգսյանի մենաշնորհներն են, եւ նա ընտրությունների միջոցով ցանկանում է կրկին անձեռնմխելի դարձնել բանանի ներկրման իրավունքը»: Նա հայտարարեց, որ չի հավատում փոխզիջումների մասին հավաստիացումներին, քանի որ դա տանում է կապիտուլյացիայի. «Մենք ունենք բարձր իրավագիտակցությամբ ՀՀ քաղաքացի, այլ ոչ թե Սերժ Սարգսյանի մեթոդը` տվիր, առար, տվիր, առար»։ Նա շեշտեց՝ Հայաստանի Հանրապետությունը պետք է գոյություն ունենա հավիտյան, հայկական պետականությունը ավարտ չի ունենալու: «Մենք ունենք բարձր քաղաքացիական ու քաղաքական գիտակցությամբ հանրություն: Կեցցե Հայաստանի Հանրապետությունը, կեցցե «Ելք» դաշինքը, կեցցե գարունը, որ գալու է երկու ամսից», - հավելեց նա:
Հետևեք մեզ Viber-ում
