Յուրաքանչյուր նորածին արդեն իսկ հսյակական պարտքեր ունի. Սասուն Միքայելյան

«Ելք» համաժողովին իր ելույթում «Քաղաքացիական պայմանագիր» կուսակցության վարչության նախագահ Սասուն Միքայելյանը հայտարարեց, որ Արցախյան հերոսամարտի ժամանակ ձեւավորվեց մեր անկախ պետությունը:«Մեր պետությունը մաքառումների անվերջանալի մի մատյան է, որի վերջին էջը արյունոտ եւ փառապանձ բաժին հասավ մեր սերունդներին, դա Արցախյան հերոսամարտն էր, որի արդյունքում ձեւավորվեց մեր անկախ պետությունը»: Ըստ նրա երկիրը ցավոք չի ընթանում զարգացման ուղիով, տեղի է ունենում ազգային հարստության գերկենտրոնացում՝ մարդկանց փոքր խմբերի կողմից ամրագրված օրենսդրությամբ։ «Մենք կորցնելու հայրենիք չունենք, Հայաստանը բոլորիս երկիրն է, ու «Ելք» դաշինքը հայ ժողովրդի, երկրի պետականության և ապագայի նկատմամբ պարտքի և, պատասխանատվությունից ելնելով, միավորելով դաշնակից կուսակցությունների աջակից ուժերին, անհատների ամբողջ քաղաքական, մտավոր, կազակերպչական և նյութական ներուժը, ՀՀ-ի  քաղաքացիների գերակշիռ մասի աջակացության ակնկալիքով, գիտակցելով պահի քաղաքական և պատմական կարևորությունը, ընդունելով առկա բոլոր մարտահրավերները՝ մտնում է 2017 թվականի ապրիլի 2-ին կայանալիք ԱԺ  ընտրությունների ընտրապայքարի մեջ՝ համոզմունքով, որ ներկա իրավիճակից «Ելքը» կարող է ելք գտնել»,- հայտարարեց Ս. Միքայելյանը։ Ինչպես համոզմունք հայտնեց՝ երկրում կա կոռուպցիա, որն արտացոկված է բոլորչ ոլորտներում: «Տագնապալի են հանցավորության եւ արտագաղթի տեմպերը, գործազրկությունը դարձել է աղետ, երկրի արտաքին պարտքը հասել է անկառավարելի վիճակի: Յուրաքանչյուր նորածին արդեն իսկ հսյակական պարտքեր ունի»,-  հայտարարեց Սասուն Միքայելյանը: