«Ելքը» բոլորիս մենք դառնալն է ու մենքի հաղթանակը. Արամ Սարգսյան

Այս պահին տեղի է ունենում ընդդիմադիր «Ելք» դաշինքի անդրանիկ համաժողովը։ «Հանրապետություն» կուսակցության քաղաքական խորհրդի նախագահ, «Ելք» դաշինքի անդամ Արամ Սարգսյանն իր ելույթում խոսեց դաշինքի հետագա գործունեությունից և նշեց, որ դաշինքի նպատակն է երկրում իրականացնել փոփոխություններ: Նա նշեց, որ իր նպատակը ոչ թե պատգամավոր դառնալն է, այլ եվրոպական մոդելի պետություն ունենալը։ Ա. Սարգսյանը հորդորեց ակտիվ մասնակցել ընտրություններին. «Խոստանում եմ ձեզ, որ մեր ակտիվ քարոզարշավով, մեր թիմն օր օրի ավելանելով՝ անելու ենք ամեն ինչ: Ես երկու անգամ ԱԺ պատգամավոր եմ ընտրվել, առաջին անգամ հրաժարվելով նիստերին մասնակցելուց, իսկ երկրորդ անգամ՝ մանդատից, սա նշանակում է, որ իմ նպատակը ԱԺ պատգամավոր լինելը չէ, այլ համակարգային փոփոխությունները» «Ելք» դաշինքը խորհրդարանում մեծ ներկայություն է ունենալու: «Ելքը» հակված է իր պայքարը տանել խաղաղ, հակված ենք անցնցում և առանց ընդհարումների փոփոխությունների գնալ, բայց եթե իշխանությունն ընտրի այլ ճանապարհ, միևնույն է, դա այլևս իրենց չի օգնելու, և փոփոխությունը միանշանակ լինելու է։ Ելքը բոլորիս մենք դառնալն է ու մենքի հաղթանակը: Վստահ եմ, որ դարասկզբին ձեւավորվբելու է հայի մի տեսակ, որը արժեք կրող է լինելու»,- իր ելույթը եզրափակեց «Հանրապետություն» կուսակցության քաղաքական խորհրդի նախագահը: Սոնա Դավթյան