Խաբարովսկում գործարարի սպանված որդին Ջավախքից էր. մանրամասներ.tert.am

Խաբարովսկում օրերս առևանգված և սպանված 25-ամյա Անդրանիկ Մուրադյանը ջավախքցի բիզնեսմեն Դավիթ Մուրադյանի որդին է, ով ծնունդով Ջավախքի հայաբնակ Դիլիֆ գյուղից է:Այս մասին հայտնում է  tert.am-ը: Այս մասին Tert.am-ի հետ զրույցում ասաց Դիլիֆի համայնքապետ Հովհաննես Գրիգորյանը.«Մուրադյանները Դիլիֆ գյուղի բնակիչներ են եղել, սակայն գյուղից արտագաղթել են մոտավորապես 17 տարի առաջ, երբ Դավիթ Մուրադյանի որդիները 7-8 տարեկան էին: Դավիթ Մուրադյանն արտագաղթել է գյուղից և բիզնես գործունեություն ծավալել Ռուսաստանի Խաբարովսկ քաղաքում»: Հովհաննես Գրիգորյանը հայտնեց, որ այսօր Ջրվեժում հուղարկավորել են Անդրանիկ Մուրադյանին: Ջրվեժում հուղարկավորելու պատճառն էլ այն է, որ Մուրադյաններն այնտեղ բնակարան ունեն. «Մուրադյանները, չնայած գյուղացիների հետ կապը պահպանում են, սակայն այստեղ բնակարան չունեն, այդ պատճառով էլ Անդրանիկ Մուրադյանին հուղարկավորել են Ջրվեժում»: Հիշեցնենք, որ Անդրեյ Մուրադյանին առևանգել է նրա ծանոթը: Վերջինս զանգահարել է զոհի բջջային հեռախոսին և խնդրել նրան վերցնել Խաբարովսկի Երկաթուղային թաղամասի ավտոտնակային կոոպերատիվից: Երիտասարդին առևանգել են հենց այդ ավտոտնակային կոոպերատիվում՝ նրա ժամանելուն պես: Հանցագործները նրան մի քանի օր պատանդ են պահել՝ նրա ազատման համար պահանջելով 20 միլիոն ռուբլի փրկագին: լուսանկարում՝ աջից