«Եթե Իրան-Ռուսաստան հարաբերությունները սրվեն, չեմ կարծում, որ դա օգուտ կտա Հայաստանին».դեսպան
Արտակարգ և լիազոր դեսպան Արման Նավասարդյանը,Հայելի ակումբում հրավիրված ասուլիսում,անդրադառնալով հունվարի 23-ին Սիրիայի շուրջ Աստանայում կայանալիք եռակողմ՝ Իրանի, Ռուսաստանի և Թուրքիայի նախագահների մասնակցությամբ բանակցություններին նշեց. «Եթե Ռուսաստանն ու Թուրքիան գնան համագործակցության, ապա Իրանի հետ լուրջ խնդիրներ կծագեն։ Թեհրանը մեղադրում է Անկարային, որ վերջինս ոչ թե պայքարում է ահաբեկչության դեմ, այլ ուզում է իր դիրքերն ամրապնդել Սիրիայում։ Այստեղ մի շատ լուրջ խնդիր է ծագում` Իրանը գտնում է, որ իր թիկունքի հետևում Ռուսաստանն ու Թուրքիան վարում են ընդդեմ Իրանի քաղաքականություն, և կարող են տեղի ունենալ երևույթներ, որոնք կփոխեն ամբողջ տարածաշրջանի քաղաքական դեմքը»: « Իրան-Թուրքիա հարաբերությունների վատթարացման դեպքում, հնարավոր է՝ ռուս-իրանական հարաբերությունները վատթարանան, ինչը տարածաշրջանում շատ բան կարող է փոխել: Եթե Իրան-Ռուսաստան հարաբերությունները սրվեն, ես չեմ կարծում, որ դա օգուտ կարող է տալ Հայաստանին:Հայաստանը միակ պետությունն է, որը ընդունվում է ԱՄՆ-ի, Ռուսաստանի, Իրանի կողմից »,-ասաց նա:
Հետևեք մեզ Viber-ում
