Նոր համակարգը բարձրացրել է կառավարության գնումների թափանցիկությունը. Դավիթ Հարությունյան

Կառավարության աշխատակազմի ղեկավար-նախարար Դավիթ Հարությունյանը հաշվետվություն ներկայացրեց մինչ այս Կառավարության արածի ու տրված հանձնարարականների վերաբերյալ։ Նախարարը տեղեկացրեց, որ 2016թ.-ի սեպտեմբերի 15-ից մինչև 2017թ. հունվարի 12-ը հնչել են բազմաթիվ հանձնարարականներ, արդյունքում մշակվել են 101 իրավական ակտեր, որոնցից 51-ը արդեն ընդունվել են: «Մինչեւ հունվարի 12-ը տրված հանձնարարականների հիման վրա մշակվել է 101 նախագիծ, որից 51-ն արդեն ընդունվել է»,- նշեց Դավիթ Հարությունյանը: Ըստ նրա՝  կարեւոր էր գնումների ոլորտում տեղի ունեցած փոփոխությունները. նոր համակարգը բարձրացրել է կառավարության հաշվետվողականությունն ու գնումների թափանցիկությունը:   Նախարարը կարեւորեց նաեւ ՊՈԱԿ-ների աշխատակազմերի և ԾԻԳ-երի օպտիմալացումը. «Մեր տվյալներով՝ 2017թ. մենք տնտեսելու ենք 3.9 միլիարդ դրամ: Ընդունվեցին մի շարք իրավական ակտեր, որոնց միջոցով պետք է իրականացվեն ու շարունակվեն տեսչական բարեփոխումները: 2017թ.-ին 6 տեսչական բարեփոխում պետք է իրականացվի, բիզնեսի համար նպաստավոր ոլորտ ստեղծել, այս խմբում կարելի է բազմաթիվ լուծումներ մեջբերել, առանձնահատուկ կցանկանայի նշել, որ ձևավորվեց մի բանակցային խումբ, որի նպատակն է Իրան գյուղմթերք ներմուծել»,-ասաց Հարությունյանը։ Սոնա Դավթյան