Թերեզա Մեյը հանդես կգա՞ Brexit-ի հարցով ծրագրային ելույթով
Մեծ Բրիտանիայի վարչապետի գրասենյակը ասեկոսե է անվանել բրիտանական լրատվամիջոցներում հայտնված այն տեղեկությունները, որոնց համաձայն ինքն ընտրել է «բրէքսիթի» «խիստ» տարբերակ: Մեյի ելույթի հնարավոր բեվանդակության մասին հոդվածներ են հրապարակել միաժամանակ մի քանի թերթեր, որոնցում նշվել է, որ Մեյը կհայտարարի Եվրամիությունից, այսպես կոչված, «խիստ սցենարով» դուրս գալու մասին: Մեծ Բրիտանիայի վարչապետ Թերեզա Մեյը հրապարակավ կպատմի կառավարության՝ Brexit-ի հարցով պլանների մասին հունվարի 17-ի ելույթի ժամանակ, հայտնում է The Sun թերթը՝ վկայակոչելով աղբյուրին: «Վարչապետը պնդելու է, որ Եվրոպական դատարանը կորցնելու է Մեծ Բրիտանիայի նկատմամբ վերահսկողությունը այն պահից, երբ այն դուրս կգա ԵՄ-ի կազմից 2019թ. գարնանը»,- գրում է թերթը: Բացի այդ՝ Մեյն իր ելույթում կանդրադառնա միգրացիայի խնդիրներին: Մեյը պատրաստ է ընդհանուր շուկային հասանելիությունը զոհաբերել, իսկ այնպիսի երկրների հետ առեւտրային պայմանագրերի կնքումը, ինչպիսին Նոր Զելանդիան է, նշանակում է ԵՄ-ի մաքսային միությունից դուրս գալու պատրաստակամություն:
Հետևեք մեզ Viber-ում
