Տեղյակ եմ «Մանչեսթեր Յունայթեդ»-«Լիվերպուլ» դիմակայության պատմությունից. Հենրիխ Մխիթարյան
«Չմասնակցեցի «Էնֆիլդ»-ում կայացած թիմերի նախորդ խաղին, բայց լավատեղյակ եմ թիմերի` «Մանչեսթեր Յունայթեդ»-«Լիվերպուլ» դիմակայության պատմությունից: Գիտեմ, թե ինչ կարևոր է այն, որքան կարևոր և սպասված է: Սա իմ առաջին նմանատիպ կարևոր դերբին չէ, պետք է պատրաստ լինես խաղին: Պետք խաղաս թիմի, երկրպագուներին և հաղթանակի համար: Մեզ համար շատ կարևոր են այդ երեք միավորները»,- Ֆուտբոլի Հայաստանի ազգային թիմի և անգլիական «Մանչեսթեր Յունայթեդ»-ի կիսապաշտպան Հենրիխ Մխիթարյանը անդրադարձել է «Լիվերպուլ»-ի հետ առաջիկա խաղին և Յուրգեն Կլոպին: «Լիվերպուլ»-ը մեծ առաջխաղացում է ապրել Յուրգեն Կլոպի գլխավորությամբ: Նա այն մարզիչներից է, ով ունակ է թիմը մի նոր մակարդակի վրա բարձրացնել: Ես ծանոթ եմ նրան, ու նրա թիմն այժմ հետաքրքրաշարժ ֆուտբոլ է ցուցադրում»,-հայ կիսապաշտպանը խոսել է նաև իր նախկին մարզիչ, այժմ «Լիվերպուլ»-ի գլխավոր մարզիչ Յուրգեն Կլոպի մասին: Ֆուտբոլի Անգլիայի առաջնության 21-րդ տուրի շրջանակներում «Մանչեսթեր Յունայթեդ»-ը «Օլդ Թրաֆորդ»-ում կհյուրընկալի «Լիվերպուլ»-ին: Հանդիպումը կկայանա հունվարի 15-ին և կմեկնարկի Երևանի ժամանակով 20:00-ին:
Հետևեք մեզ Viber-ում
