Իմ ծագումից ելնելով՝ ես կողմնակից չեմ փոխզիջմանը. վարչապետ

Այսօր մամուլի ասուլիսի ընթացքում ՀՀ վարչապետ Կարեն Կարապետյանն անդրադարձավ Ղարաբաղյան հակամարտությանը: Լրագրողներից մեկի հարցին, թե կո՞ղմ է կարգավիճակի դիմաց տարածքներ հանձնելուն, հաշվի առնելով, որ բուն ղարաբաղցիները շատ սուր են վերաբերում այդ հարցին, ասաց.«Ոնց որ դուք այնքան էլ ոգեւորված չեք, որ ես ՀՀԿ-ից եմ…Իմ ծագումից ելնելով՝ ես կողմնակից չեմ փոխզիջմանը: Մենք ունենք տարբերակ, որ մեր անվտանգությունը, հաղթանակը կարող ենք պաշտպանել, պահել համապատասխան բանակցությունների արդյունքում, որի սցենարի մասին հիմա չենք կարող խոսել: Նայած ինչն ենք փոխզիջում: Չեմ կարծում, որ մեկը ՀՀ-ում իր վրա պատասխանատվություն կվերցնի՝ որոշում կայացնելու, որի հետ մեր քաղաքացիները համաձայն չեն լինի: Չեմ կարծում, որ այդտեղ շատ անհանգստանալու խնդիր ունենք»: Սոնա Դավթյան