Կրեմլի արձագանքը հաքերային հարձակումների մասին ԱՄՆ հատուկ ծառայությունների զեկույցին
Միացյալ Նահանգների զեկույցը այն մասին, թե Ռուսաստանը մեղադրվում է հաքերային հարձակումների համար, «վհուկների որս» է հիշեցնում, իսկ այդ մերկապարանոց մեղադրանքները հոգնեցնում են,հայտարարել է Ռուսաստանի նախագահի մամուլի քարտուղար Դմիտրի Պեսկովը: Այս մասին հայտնում է «ՌԻԱ Նովոստի»-ն: Ավելի վաղ ամերիկյան հատուկ ծառայությունները հրապարակել էին զեկույց ԱՄՆ նախագահական ընտրություններին «ռուսական միջամտության» վերաբերյալ զեկույց: Փաստաթղթում ԿՀՎ-ն, Հետաքննությունների դաշնային բյուրոն և Ազգային անվտանգության բյուրոն հայտարարել էին, թե Ռուսաստանը փորձել է հասնել ընտրություններում Դոնալդ Թրամփի հաղթանակին, սակայն չէին ներկայացրել ապացույցներ։ «Մենք նախկինի պես կտրականապես բացառում ենք Մոսկվայի ներգրավվածությունը և մեղադրանքները, թե որևիցե հաքերային հարձակման կարող են ներգրավված լինել ՌԴ պաշտոնատար անձինք կամ պաշտոնական գերատեսչություններ»,- նշել է Պեսկովը:
Հետևեք մեզ Viber-ում
