Վրաստանի և «Գազպրոմի» պայմանագիրը ՀՀ ՌԴ գազի տարանցման վճարի վերաբերյալ սպառվել է
«Գրուզիա օնլայնը» հայտնում է,որ պայմանագիր,որն անցած տարի կնքվել էր ռուսական «Գազպրոմ» ընկերության և Վրաստանի կառավարության միջև, սպառվել է 2016թ. դեկտեմբերի 31-ին, կողմերը մինչ օրս չեն կարողացել պայմանավորվել նոր պայմանների շուրջ։ Վրացական կողմը վերջին հանդիպումից վերադարձել էր չհամաձայնեցված դիրքորոշմամբ։ Հայաստան բնական գազի տարանցումը ներկայումս իրականացվում է սովորական ռեժիմով, սակայն նոր պայմանագրով վրացական կողմը ցանկանում է հասնել առավելագույն արդյունքի,ասել է Վրաստանի էներգետիկայի նախարարի տեղակալ Մարիամ Վալիշվիլին: Առավելագույն արդյունքը, հնարավոր է, որ լինի տարանցման արժեքի վճարման դրամական եղանակը կամ անցած տարի կնքված պայմանագրին վերադարձը,հայտնել է նա: Վրաստանի էներգետիկայի նախարարությունը չի կարողացել կոնկրետ նշել, թե երբ տեղի կունենա «Գազպրոմ-էքսպորտի» հետ աշխատանքային հանդիպումը, սակայն ենթադրում են, որ դա տեղի կունենա մոտ ժամանակներս։ Գերատեսչությունում նշել են, որ պայմանագրի ժամկետը, որը ներառել է ինչպես գազի գնում, այնպես էլ գազի տարանցում, սպառվել է անցած տարեվերջին։
Հետևեք մեզ Viber-ում
