Ջորջ Քլունին բացահայտում է
Los Angeles Times-ը գրում է, որ հոլիվուդյան կինոգործիչ Ջորջ Քլունին առաջին անգամ պատմել է՝ ինչպես է ամուսնության առաջարկ արել հայտնի իրավաբան Ամալ Ալամուդդինին: Դա տեղի է ունեցել Էլեն դը Ժեներեսի շոուի ժամանակ: Քլունին ասել է, որ առաջարկությունը գրեթե ձախողվել է, քանի որ ինքը մի բան էր ծրագրել, սակայն ապագա կնոջ ռեակցիան հուշում էր, որ ստացվել է ոչ այնքան իր ուզածով: Ըստ Քլունիի՝ ամուսնության ամբողջ առաջարկությունը տևել է 25 րոպե: Ամեն ինչ եղել է անակնկալ, քանի որ զույգը դրանից առաջ նույնիսկ չի քննարկել իր ամուսնությունը: Լոնդոնից նոր ժամանած կնոջը Քլունին առաջարկել է իրեն մոմ տալ մոմերի տուփից, որտեղ պահ էր տվել մատանին: Ամալը, սակայն, տուփը բացելով՝ շատ սովորական ասել է, որ այնտեղ մատանի կա... Ջորջը այնուհետև բացատրել է, որ չի պատկերացնում իր կյանքի մնացած մասը առանց Ամալի: Սակայն Անալը նորից հապաղել է: Այդ ժամանակ Ջորջը հիշեցրել է, որ ինքը 52 տարեկան է և սպասում է պատասխանի: Միաժամանակ նա նշել է, որ իրավաբան կինը զբաղվում է «պատերազմական հանցագործների» և ինքն էլ կարող էր Հաագայում կամ բանտում հայտնվել:
Հետևեք մեզ Viber-ում
