ՀԱՊԿ մամուլի քարտուղարի «հիվանդությունը» խանգարում է մեկնաբանել Ադրբեջանի հարձակումը
ՀԱՊԿ–ը մինչեւ հիմա ոչ մի կերպ չի արձագանքել Հայաստանի սահմանին Ադրբեջանի ձեռնարկած դիվերսիային։ Այս կապակցությամբ NEWS.am –ը դիմել է ՀԱՊԿ մամուլի քարտուղար Վլադիմիր Զեյնեթդինովին։ Լսելով հարցը՝ մամուլի քարտուղարը սկզբում փորձեց համոզել, որ հարցի (թե տեղյակ է արդյոք ՀԱՊԿ–ը միջադեպի մասին) հասցեատերը ՀՀ ազգային մարմիններն են։ Հետո Զեյնեթդինովը «հանկարծ» հիշեց, որ հիվանդ է եւ «բյուլետենի մեջ է» եւ մոտ ժամանակներս ոչ մի կերպ չի կարող ճշտել, թե ՀԱՊԿ–ը միջադեպի մասին տեղեկություն ստացել է, թե ոչ։ Պարզաբանող հարցին, թե այդ դեպքում ում է պետք դիմել, ՀԱՊԿ մամուլի քարտուղարը պատասխանեց, որ «ձեռքի տակ տեղեկատու» չունի, եւ խնդրեց մի ժամից զանգել։ Դրանից հետո նա հեռախոսազանգերին այլեւս չպտասխանեց։ Հիշեցնենք, որ դեկտեմբերի 29 ին վաղ առավոտյան ՀՀ Տավուշի մարզի Չինարի գյուղից դեպի հարավ արեւելք ընկած պետական սահմանի հատվածում, ադրբեջանական զորքերը ձեռնարկել են դիվերսիոն ներթափանցման փորձ։ ՀՀ զինված ուժերը մարտի են բռնվել հակառակորդի հետ։ Հայկական կողմն ունի 3 զոհ։
Հետևեք մեզ Viber-ում
