Սպիտակում երեխաների հետ մահացած հայտնաբերված կինը հոգեմետ դեղեր է ընդունել. նոր մանրամասներ (տեսանյութ)

Սպիտակում դեկտեմբերի 19-ին բնակարանում իր երկու երեխաների հետ մահացած հայտնաբերված Մարինե Հովհաննիսյանը հոգեկան խնդիրներ է ունեցել: Քննչական կոմիտեի տարածած տեսանյութում նշվում է, որ 45-ամյա կինը հաշվառված է եղել Սպիտակի հոգեբուժարանում: Լոռու մարզի քննչական վարչության պետ Թաթուլ Շուշանյանի խոսքով՝ Մարինե Հովհաննիսյանը համապատասխան հոգեմետ դեղեր է ստացել. նա «դեպրեսիվ սինդրոմ» աշխտորոշմամբ հաշվառված է եղել Սպիտակի հոգեբեժարանում։ Քննությունը կպարզի, թե ինչպես է հոգեբուժարանում հաշվառված կինը որպես ուսուցչուհի աշխատել դպրոցում։ Ավելի վաղ տեղեկացրել ենք, որ 2016 թվականի դեկտեմբերի 19-ին՝ ժամը 15։10-ի սահմաններում, ահազանգ է ստացվել, որ Սպիտակի բնակելի շենքերից մեկի շքամուտքում կին է ինքնասպան եղել։ Դեպքի վայրում՝ շքամուտքում, հայտնաբերվել է 1971թ. ծնված Մ. Հովհաննիսյանի դին՝ կախված վիճակում, իսկ տանը՝ նրա երկու մանկահասակ՝ 5 և 7 տարեկան երեխաները՝ մահացած. նրանց  դիակների զննությամբ նրանց պարանոցին հայտնաբերվել են կապտուկներ, Նախնական տվյալներով ինքնասպանություն գործած 45-ամյա կինը քիմիայի ուսուցչուհի է աշխատել Լոռու մարզի Սարալանջ գյուղում: Մրցութային կարգով հաղթահարել էր մանկավարժների համար նախատեսված քննություններն ու ընդունվել աշխատանքի: