«Ինձ համար անակնկալ էր». Իգնատի Առաքելյան
«Արմենիա վայն» գործարանում ՀՀ գյուղատնտեսության նախարար Իգնատի Առաքելյանը, անդրադառնալով գյուղատնտեսության ոլորտում գրանցված անկմանը, նշեց, որ դա տեղի է ունեցել անբարենպաստ բնակլիմայական պայմանների հետևանքով: Ինչպես ասաց՝ գյուղատնտեսության ոլորտն անկանխատեսելի է և հնարավոր չէ կանխատեսել, թե ինչ կլինի հաջորդ տարի. «Այս ձմեռը ցուրտ է, և եթե խաղողի այգիները չեն թաղվել, ապա հնարավոր է, որ ցրտահարվեն: Մի քանի տարի առաջ ևս նման խնդիր եղել է: Եթե մենք կունենանք աճ, այդ աճը չի նշանակում, որ ես իմ աշխատանքը լավ եմ կատարել, եթե ցուրտ տարի է եղել, անկում է գրանցվել,չի նշանակում, որ ես վատ եմ աշխատել: Իմ աշխատանքի արդյունքը կհամարեմ այն, որ գյուղատնտեսությունն ունենա աշխատելու միջոցներ»,- պարզաբանեց նախարարը: Իգնատի Առաքելյանը վստահերցեց, որ այնքան է ներգրավված աշխատանքի մեջ, որ չի մտածում այլ բանի մասին. «Բայց այս պահին ես ինձ տեսնում եմ գյուղատնտեսության նախարարությունում»: Հարցին, թե ինչպե՞ս է դարձել կուսակցական, նշեց, որ միշտ լինում են անակնկալներ. «Անմեն ինչ չէ, որ պլանավորում ես: Ինձ համար նախարար դառնալն էլ էր անակնկալ»:
Հետևեք մեզ Viber-ում
