ՀՀԿ-ում շունչները պահած սպասում են կուսակցության խորհրդի առաջին նիստին

Հրապարակը գրում է. « Թե ինչու այն ուշացավ, երբ համագումարից «ժամեր անց» հնչեց խորհրդի ողջ կազմի «անունը», 3 պատճառ կա, տեղեկացրեց մեր աղբյուրը. ՀՀԿ-ն ցանկանում է ձգել ինտրիգը, շեղել ուշադրությունը ուշքի չեկող տնտեսական վիճակից՝ «տեսարաններ» ապահովելով։ Երկրորդ պատճառն այն է, որ կուսակցությունում բոլորին ասել են՝ խորհրդի կազմը և համամասնական ցուցակը բացարձակապես կապ չեն ունենալու իրար հետ, կարող է մեկը լինի խորհրդի կազմում, բայց ցուցակում չլինի։ Երրորդ պատճառն էլ այն է, որ որքան էլ ՀՀԿ-ում «լաց են լինում», որ այս անգամ ամանորյա տոնական միջոցառումներ չեն լինելու, իսկ ՀՀԿ-ի դեպքում դա տևում էր 7 օր-7 գիշեր, ու դա միակ գործն էր, որը ՀՀԿ-ն անում էր հանգամանալից՝ թաղ առ թաղ, մարզ առ մարզ՝ օրը մի տեղ հավաքվելով՝ «նախագահի ու իրենց հաղթական կենացը խմելու», այս անգամ Կարեն Կարապետյանի՝ առաջին տեղակալ դառնալու և մնացյալ առումներով որոշել են երկուսը մեկում անել՝ խորհրդի նիստից հետո Ամանորն էլ նշել։ Ինչ վերաբերում է համամասնական ցուցակին, ապա քննարկման թեման միակն է՝ ինչ քվոտաներ են ունենալու Կարեն Կարապետյանը և Հովիկ Աբրահամյանն իրենց թիմակիցների մասով։ Մեր աղբյուրն ասաց՝ ոչ մի. իրենք միայն իրենց են ներկայացնելու»,–գրում է թերթը։   Մանրամասները՝ թերթի այսօրվա համարում։