Շարմազանովի հերթական բացահայտումը /տեսանյութ/
Երեկ տեղի ունեցավ հասարակական-քաղաքական դաշտը սպասման մեջ պահող, մոտ երեք ժամ տևած ՀՀԿ գործադիր մարմնի նիստը, որտեղ պետք է քննարկվեր նոր կոալիցիա` ՀՅԴ-ՀՀԿ ձևավորելու հարցն էր դրված: Լրագրողների հետ զրույցում կուսակցության խոսնակ` Էդուարդ Շարմազանովը հայտնեց, որ քննարկել են Ընտրական օրենսգրքի հետ կապված հարցեր: «Մի քիչ պետք է հիասթափեցնեմ, կոալիցիայի հետ կապված վերջնական որոշում այսօր չենք կայացրել, քանի որ քննարկումները շարունակվում են: Մինչև մյուս շաբաթվա ավարտ մենք կունենանք հստակություն: ԳՄ-ում այդ հարցի շուրջ քննարկում տեղի չի ունեցել», -հայտնեց Շարմազանովը: ՀՀԿ խոսնակը ակտիվ պահելով ինտրիգը չբացեց փակագծերը. « Քանի դեռ հստակեցված չէ ամեն ինչ, հստակեցված չէ` ոչինչ: Հիշեցնենք, մոտ առաջիկայում ընտրական օրենսգրքի նոր նախագիծը կքննարկվի ԱԺ-ում»: Ո՞ւմ թկնածությունը կառաջադրի իշխող կուսակցությունը ՄԻՊ-ի պաշտոնում հարցին` Շարմազանովը պատասխանեց, որ հավանական թեկնածու է համարվում արդարադատության փոխնախարար Արման Թաթոյանը: «Այս պահին ես այլ թեկնածուներից տեղյակ չեմ: Վաղը կլինի խմբակցության նիստ, որի ժամանակ վերջնական որոշում կկայացվի: Պարոն փոխնախարարի թեկնածության քննարկումը շատ հավանական»,-եզրափակեց Շարմազանովը: Աստղիկ Ավագյան Մանրամասները` տեսանյութում:
Հետևեք մեզ Viber-ում
