Մեր և Սեյրան Օհանյանի համագործակցությունը խորանում է.ՎԴալլաքյան
«Երրորդ հանրապետություն» կուսակցության արտահերթ՝ 7-րդ համագումարում կուսակցության նախագահ ընտրված Վիկտոր Դալլաքյանն, անդրադառնալով պաշտպանության նախկին նախարար Սեյրան Օհանյանի հետ իրենց համագործակցությանը, նշեց. «Մեր համագործակցությունը ոչ միայն շարունակվում, այլև խորանում է և դա պայմանավորված է նաև նրանով, որ մեր կուսակցության և Սեյրան Օհանյանի գնահատականները երկրում ստեղծված ծանր իրավիճակին և դրանից դուրս գալու վերաբերյալ համընկնում են: Մենք կարծում ենք, որ միայն միասնաբար և համախմբված կերպով կարելի է մեր երկրում խաղաղ, խորհրդարանական ընտրությունների ճանապարհով հասնել իշխանափոխության: Մենք լայն կոնսոլիդացիայի կողմնակից ենք, որի կողմնակիցն է նաև Սեյրան Օհանյանը»:
Հետևեք մեզ Viber-ում
