Ուրախության արցունքներ Հալեպում, բնակիչները փողոց են դուրս եկել Ռուսաստանի դրոշով
Սիրիական Հալեպի բնակիչները 5 տարի շարունակ կրած զրկանքներից հետո դուրս են եկել փողոց, որպեսզի շնորհավորեն միմյանց՝ ահաբեկիչների դեմ հաղթանակի և խաղաղության կապակցությամբ: Նախօրեին սիրիական բանակը հայտարարել էր, որ Հալեպն ամբողջությամբ ազատագրվել է ահաբեկիչներից և գտնվում է իշխանության վերահսկողության տակ: Հալեպում ձնաբուք է, սակայն ինչպես համապատասխան մարմիններն, այնպես էլ բնակիչները հետևում են, թե ինչպես են հատուկ ավտոբուսները քաղաքից հեռացնում վերջին ահաբեկիչներին:
Մենք Իդլիբից ենք, սակայն այստեղ ապրում ենք որպես փախստականներ: Այս հաղթանակին մենք գրեթե 3 տարի սպասել ենք: Մենք, իհարկե, ուզում ենք սեփական աչքերով տեսնել, թե ինչպես է քաղաքը լքում վերջին ահաբեկիչը,- պատմել է Հալեպի բնակչուհի Սալահեդին Իմ Հալեդը РИА Новости-ին:Փողոցում տոնակատարության մասնակիցներից մեկն ասում է, որ վերջապես հաղթական աղաղակներ է լսում և տեսնում է, որ մարդիկ փողոց են դուրս եկել Ռուսաստանի և Սիրիայի դրոշներով: 40 օր շարունակ հատուկ մեքենաները Հալեպից հեռացրել են ահաբեկիչներին և նրանց ընտանիքներին: Ահաբեկիչների կողմից հատուկ դիմադրություն չի նկատվել: Այդ ամենը հիմա անցյալում է: Հիմա Հալեպի փողոցներում հազարավոր մարդիկ՝ արցունքներն աչքերում շնորհավորում են միմյանց: Նրանք հնչեցնում են շնորհակալական խոսքեր՝ ուղղված ՌԴ նախագահ Վլադիմիր Պուտինին և Սիրիայի նախագահ Բաշար Ասադին: Քրիստոնեական թաղամաս Ազիզիայում, որտեղ գրեթե ամեն օր սպանվում էին խաղաղ բնակիչներ, կենտրոնական հրապարակում ամանորյա տոնածառ են կանգնեցրել:
Ռուսնե՛ր, շնորհակաալություն, առանց ձեզ և առանց ձեր նախագահի այս օրը չէր լինի : Դուք մեր եղբարներն եք,- ասել է Հալեպի հայկական ռեստորաններից մեկի գխավոր խոհարարը՝ սեղմելով ռուս լրագրողների ձեռքը և հյուրասիրելով խմիչք ռեստորանի հաշվին:Ազատագրված Հալեպ են բերվել արդեն շինարարաների խմբեր: Բնակիչներն իրենց ավերված բնակավայրերը փորձում են նախկին տեսքի բերել: Տարիներ անց, գուցե, Հալեպն ավելի գեղեցիկ տեսք ստանա, քան եղել է նախկինում:
Հետևեք մեզ Viber-ում
