Ամենաբարդ հարցն Արփինե Հովհաննիսյանի համար
Լրագրողների հետ հանդիպման ընթացքում ՀՀ արդարադատության նախարար Արփինե Հովհաննիսյանը խոսեց ապօրինի հարստացման քրեականացման մասին և փաստեց, որ այս նախագիծը միանշանակ կգործի՝ չնայած շատերի մոտ մտավախություն կա: Ըստ նրա ամեն բանի պետք է հասնել աստիճանաբար: Ինչպես ասաց՝ հարկավոր են մեխանիզմներ, որպեսզի նախագիծը գործի լիարժեք. «Քանի դեռ Հայաստանի օրենդրությունն ու իրավապահ համակարգն այս առումով անցյալ չունեն, պարտավոր ենք այնպիսի մեխանիզմներ մշակել, որ այն մահակ չդառնա որևէ մեկի համար: Իրավապահ համակարգը պետք է հսկայական աշխատանք կատարի, ապացուցի, եթե նույնիսկ պաշտոնատար անձը ոչինիչ չասի կամ լռի, ապացույցներն անհերքելի լինեն»։ Անդրադառնալով դատավորների պատասխանատվությանը, որոնց սխալների հետևանքով Մարդու իրավունքների եվրոպական դատարանը վճիռներ է կայացնում Հայաստանի դեմ, Արփինե Հովհաննիսյանն ասաց: «Սա, թերևս, ամենաբարդ հարցերից մեկն է։ Ինչու բարդ, որովհետև հարցադրման մեջ արդարության առերևույթ պահանջն ինքնին առկա է։ Շատ տրամաբանական է, որ ձեզնից յուրաքանչյուրը, ես էլ կարող եմ բարձրացնել այդ հարցը՝ ինչո՞ւ մենք պետք է բյուջեից վճարենք, եթե, օրինակ, դատական սխալ է առկա։ Եվրոպայի խորհրդի անդամ պետություններն այս խնդրի լուծումն ավելի շատ և առավելապես չեն դիտում նրա մեջ, որ պիտի գնաս և այդ դատավորի գրպանից հանես այդ գումարը։ Եթե դա ապացուցված է դատավճռով, որևէ խնդիր չկա։ Հիմա էլ կա այդ մեխանիզմը՝ եթե դատավճռով ապացուցված է դատավորի մեղքը, ապա քաղաքացու վնասը կհատուցի ՀՀ-ն, ապա հետադարձ պահանջով դատավորից կպահանջի գումարը»,- բացատրեց նա:
Հետևեք մեզ Viber-ում
