Որոշ ապրանքներ հանվել են շրջանառությունից և ոչնչացվել. մասնագետը ահազանգում է

ՀՀ ԳՆ ՍԱՊԾ սննդամթերքի անվտանգության և որակի հսկողության տեսչության պետ Վահե Դանիելյանը տարեվերջյան մամուլի ասուլիսում նշեց, որ վերահսկողություն է կատարվել  կաթ-կաթնամթերք, միս-մսամթերք, ալկոհոլային և ոչ ալկոհոլային խմիչքներ արտադրող ընկերություններում: «Վերահսկողության արդյունքներով արձանագրվել են պիտանիության ժամկետն անցած սննդամթերքի վաճառքի, մակնշման, հիգիենայի անհամապատասխանության դեպքեր: Հայտնաբերված թերությունները չշտկած ընկերությունների գործունեությունը կասեցվել է, ոմանց արտադրանքը հանվել է շրջանառությունից և ոչնչացվել»,-ասաց Վահե Դանիելյանը: Սակայն Վահե Դանիելյանը չցանկացավ անուններ տալ: Նրա խոսքով՝ տնտեսավարող սուբյեկտներին տրվում է նաև անհրաժեշտ խորհրդատվություն՝ առկա խախտումները վերացնելու համար: ինչպես տեղեկացրեց՝ հստակ գրաֆիկով հերթապահություն է սահմանվում դեկտեմբերի 23-ից մինչև hունվարի 8-ը՝ ամենօրյա շրջայցերով: Դրա հետ մեկտեղ գործելու է ծառայության թեժ գիծը՝ 20-60-40 հեռախոսահամարով, որն աշխատելու է շուրջօրյա ռեժիմով: