Վրաստանը կընդլայնի հարաբերությունները Թուրքիայի հետ

Ինչպես հաղորդում է «Գրուզիա Օնլայն»-ը, Վրաստանի վարչապետ Գերոգի Կվիրկաշվիլին թուրք գործընկեր Բինալի Յըլդըրըմի հետ համատեղ մամլո ասուլիսի ժամանակ հայտարարել է,որ Վրաստանի համար կարևոր է Թուրքիայի հետ հարաբերությունների զարգացումը, որոնք ռազմավարական բնույթ են կրում։ «Վրացական կողմը հետաքրքրված է ընդլայնել հարաբերությունները Թուրքիայի հետ քաղաքականության, առևտրի, տրանսպորտի, էներգետիկայի, մշակույթի ոլորտներում, սակայն դրա համար անհրաժեշտ է նախևառաջ խաղաղություն հաստատել տարածաշրջանում։Կարծում ենք, որ մեր տարածաշրջանում խաղաղությունը և կայունությունն ամրապնդելու համար անհրաժեշտ է գոյություն ունեցող հակամարտությունների խաղաղ կարգավորում՝ միջազգային իրավունքի սկզբունքների և պետությունների ինքնիշխանությունը, տարածքային ամբողջականությունը հարգելու հիման վրա»,-հայտարարել է Կվիրիկաշվիլին։ Թբիլիսին խստորեն դատապարտում է Թուրքիայիում տեղի ունեցած ահաբեկչական գործողությունները, ինչպես նաև Ռուսաստանի դեսպանի դաժան սպանությունը,նշել է նա: