ՀՀԿ-ն ամենուրեք է. Աշոտյան
Հայաստանում իշխող Հայաստանի Հանրապետական կուսակցությունը տարին փակում է 158 հազար անդամով: Այս մասին այսօր լրագրողների հետ հանդիպման ժամանակ հայտարարեց ՀՀԿ փոխնախագահ Արմեն Աշոտյանը՝ նշելով, որ տարեսկզբին անդամների թիվը շուրջ 152 հազար է եղել: Ինչպես Աշոտյանն ասաց՝ ՀՀԿ-ն ոչ միայն ընդունում է, նաև հեռացնում է մարդկանց, մաքրում շարքերը: «Հանրապետականը հայտնի է հանրապետությունով մեկ: Հանրապետականի քաղաքականությունը խորքային է, բացառիկ: Մենք կանք ամենուրեք` որպես կուսակցություն, և ոչ միայն հեռուսատեսությամբ կամ «Ֆեյսբուք»-ում»,- նշեց ՀՀԿ փոխնախագահը: Հարցին՝ ՀՀ վարչապետ Կարեն Կարապետյանի անդամակցությունից հետո՞ է 1000 մարդ լքել կուսակցությունը, Արմեն Աշոտյանը պատասխանեց. «Այս առումով պատմությունը լռում է, որովհետև նման դեպքերի ականատեսն ու արձանագրումը գոյություն չունի»:
Հետևեք մեզ Viber-ում
