«Ժառանգություն»-ում կրքերը չեն հանդարտվում. Րաֆֆին Հովհաննիսյանը, հնարավոր է, հեռանա քաղաքականությունից.Ժամանակ
«Ժառանգություն» կուսակցությունում կրքերը չեն հանդարտվում։ Ակտիվ քաղաքական միավորների հետ դաշինքով մասնակցելու Րաֆֆի Հովհաննիսյանի ցանկցությունը այդպես էլ չի ընդունվում։ Իրավիճակից որպես ելք՝ Րաֆֆի Հովհաննիսյանը առաջարկում է, որ կուսակցության վարչության փոխնախագահ Արմեն Մարտիրոսյանը գնա «Համախմբում» կամ Գագիկ Ծառուկյանի դաշինք, ԱԺ պատգամավոր Զարուհի Փոստանջյանը ընտրություններին մասնակցի «Ազատ դեմոկրատներ»-ի հետ, իսկ կուսակցության մամլո խոսնակ Դավիթ Սանասարյանը ուժերը փորձի ՔՊ-«Հանրապետություն»-«Լուսավոր Հայաստան» դաշինքի ցուցակի անցողիկ հորիզոնականում, թեև նա առաջիկայում մեկնելու է ուսման՝ ԱՄՆ-ի Ֆլետչերի իրավունքի և դիվանագիտության դպրոց։ Րաֆֆի Հովհաննիսյանը վերջին նախագահական ընտրություններից հետո հայտարարել էր, որ դա իր կյանքի վերջին մասնակցությունն է նախագահական ընտրապայքարին։ Չի բացառվում, որ իր կուսակցության ամենակարկառուն ներկայացուցիչներին «տեղավորելուց» հետո նա հեռանա ակտիվ քաղաքականությունից։
Հետևեք մեզ Viber-ում
