Նախարարը կարող է պատգամավոր դառնալ
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը ,ամփոփելով իր գործունեության 3 ամիսը, նաև՝ 2016 թվականի աշխատանքը,չբացառեց, որ առաջիկա խորհրդարանական ընտրություններում կառաջադրի իր թեկնածությունը, բայց միևնույն ժամանակ չի էլ բացառում, որ հաջորդ կառավարությունում կշարունակի պաշտոնավարել: «Կյանքում ոչինչ չեմ բացառում, ամեն ինչ էլ հնարավոր է, դեռ ժամանակ կա: Ինչու չէ, կարող է և այդպես լինել», - ասաց նախարարը լրագրողների հետ հանդիպման ժամանակ: Կառավարման համակարգի գործընթացի արդյունավետության արդյունքում 2017 թվականին ՀՀ տրանսպորտի, կապի և տեղեկատվական տեխնոլոգիաների ոլորտում նախատեսվում է 740 միլիոն դրամի տնտեսում, ասաց ՀՀ տրանսպորտի, կապի և տեղեկատվական տեխնոլոգիների նախարար Վահան Մարտիրոսյանը և հավելեց.«Մինչև տարեվերջ Երևան-Սևան մայրուղում կտեղադրվի մոտ 1500 ճանապարհանշան: Աշխատանքներ կկատարվեն նաև մյուս մայրուղիների վրա»:
Հետևեք մեզ Viber-ում
