Ճապոնացիների կեսից ավելին բացասական է գնահատել Ճապոնիայի և Ռուսաստանի բանակցությունները

Դեկտեմբերի 15-16-ին Ռուսաստանի նախագահ Վլադիմիր Պուտինի և Ճապոնիայի վարչապետ Սինձո Աբեի միջև տեղի ունեցած բանակցություններին ճապոնացիների 54%-ը բացասական են գնահատել: Այս տվյալները հայտնում է Կիոդո գործակալությունն անցկացված սոցհարցումներից հետո: Հայտնի է, որ բանակցությունները բացասական են գնահատել հարցվողների 54,3%-ը, իսկ 38,7%-ը նշել են, որ բանակցությունները դրական են եղել: Հայտնի չէ, թե հարցմանը քանի հոգի է մասնակցել, որն անցկացվել է այս հանգստյան օրերին: Դեկտեմբերի 15-16-ին Ռուսաստանի նախագահ Վլադիմիր Պուտինը պաշտոնական այցով եղել է Ճապոնիայում: Պուտինն ու Աբեն հանդիպել են Նագատոյում և Տոկիոյում՝ մասնակցելով նաև «Ռուս-ճապոնական բիզնես-երկխոսություններ» ֆորումին: Աղբյուրը՝ РИА Новости