Լեհական ընդդիմությունը պահանջում է

Ընդդիմության գործողությունները անհրաժեշտ է որակել որպես հեղաշրջման փորձ, հայտարարել է Լեհաստանի ներքին գործերի նախարար Մարիուշ Բլաշչակը: Այս մասին հայտնում է BBC-ի ռուսական ծառայությունը:Լեհական ընդդիմությունը ստորագրահավաք է սկսել՝ պահանջելով հետաքննություն սկսել Սեյմի խոսնակ Մարեկ Կուխչինսկու նկատմամբ: Ըստ ՌԻԱ Նովոստիի՝ ստորագրահավաքի հեղինակները կարծում են, որ Սեյմի խոսնակը գերազանցել է լիազորությունները: Ներկայում հանրագրին ավելի քան 11 հազար մարդ է միացել: 20 հազար ստորագրություն հավաքելուց հետո այն ուղարկվելու է դատախազություն: Հիշեցնենք, որ դեկտեմբերի 16-ի լույս 17-ի գիշերը նիստերի գլխավոր դահլիճի սահմաններից դուրս Սեյմի կանոնակարգի խախտումներով կարեւորագույն օրենքներից մեկն է ընդունվել՝ երկրի բյուջեն: Սեյմի խոսնակ Մարեկ Կուխչինսկին խախտել է կանոնները, որոնք պետք է պահպաներ: Նա դահլիճ չի թողել պատգամավորների մի մասին եւ թույլ է տվել Կանոնակարգին չհամապատասխանող քվեարկություն կատարել: Ընդդիմության անդամներն էլ արգելափակել են Լեհաստանի խորհրդարանի աշխատանքն ու կազմակերպել բողոքի ակցիա: