Ինչ վիճակ է Վերին Լարսի անցակետում այս պահին (ուղիղ)

ՌԴ Հյուսիս-կովկասյան մաքսային վարչությունը իր պաշտոնական կայքում իրական ժամանակում ցուցադրում է Վերին Լարսի անցակետի իրավիճակը՝ 4 տեսախցիկներով։ Պատկերը թարմացվում է 5 րոպեն մեկ։ Մեր դրած նկարում Վերին Լարսի պատկերն է՝ երևանյան ժամանակով 17։50-ի դրությամբ։ Ինչպես տեսնում եք, երևում են հայաստյանյան Spayka ընկերության բեռնատարները։ Վրաստանի ՆԳՆ ԱԻ դեպարտամենտից ստացված տեղեկատվության համաձայն Ստեփանծմինդա-Լարս ավտոճանապարհը բաց է միայն մարդատար ավտոմեքենաների համար՝ անվաշղթաների կիրառման դեպքում: Ռուսաստանի հատվածում կան 500-ից ավելի կուտակված բեռնատարներ: Հիշեցնենք, որ եղանակային վատ պայմանների պատճառով արդեն 2-րդ շաբաթն է՝ բեռնատարները չեն կարողանում հատել սահմանը։ Վերին Քարսի անցակետի իրավիճակին իրական ժամանակում կարող եք հետևել այստեղ։