ԱԱԾ-ն չի հասցնում
Հայկական Ժամանակը գրում է.Ազգային անվտանգության ծառայությունը չի հասցնում չեզոքացնել ադրբեջանական հատուկ ծառայությունների գործոությունները, որոնց մինիմում պատակը Հայաստանի քաղաքացիներին հայ-ադրբեջանական խաղաղարար կեղծ պլատֆորմին միացնելն է, մաքսիմումը` Բաքու մշտական բնակության տեղափոխելը: Մինչ ՀՀ երկու քաղաքացի մի քանի օր աոաջ հայտարարում էին, որ իրենք մտադրություն չունեին մեկնել Բաքու կամ միանալ որևէ պլատֆորմի, տեղեկություն ստպցվեց, որ արցախցի երիտասարդ քաղաքացիական ակտիվիստ է միանում նույն այդ պլատֆորմին: Ինչպես հայտնի է Ադրբեջանը գործում է անցյալ տարի Երևանից ընտանիքով Բաքու տեղափոխված անձնավորության միջոցով, որն աշխատանքի է անցել ադրբեջանական իշխանական լրատվամիջոցոմ: Նա հայ-ադրբեջանական խաղաղության պլատֆորմին միանալու պատրվակով ինտերնետային կապ է հաստատում ՀՀ քաղաքացիների հետ, զրուցում պատերազմի, Հայաստանի, Աղրբեջանի, Ղարաբաղի մասին և ձայնագրում կամ տեսագրում իր զրույցը: Ենթադրվում է, որ զրույցը սկսվում է ««ոչ» ասենք պատերազմներին, կոռումպացված իշխանություններին, «այո» ասենք ժողովուրդների միջև բարեկամությանն ու խաղաղությանը» և նման այլ համամարդկային արժեքների համատեքստում: Հաջող կոնտակտ հաստատելով խոսակցությունը հասնում է Բաքու տեղափոխվելու դեպքում դրամական և այլ նյութական մեծ խոստումների: Այնուհետև նշյալ անձնավորությունը ադրբեջանական կայքում հրապարակում է այս կամ այն ՀՀ քաղաքացու հետ իր զրույցից որևէ հատված կամ որևէ այլ իրեղեն ապացույց և հայտարարում, որ Հայաստանից եւս մեկը միացավ իրենց պլատֆորմին: Երեկ արդեն երրորդ դեպքը արձանագրվեց, երբ սույն ծուղակն ընկած ՀՀ քաղաքացին (Արցախում բնակվող ակտիվիստոհին, որը, ըստ որոշ տեղեկությունների, մի քանի ժամ անցկացրել էր ԼՂՀ ԱԱԾ-ում) հրապարակայնորեն հայտարարեց, որ տեղի է ունեցել թյուրիմացությռն, ինքը որևէ պլատֆորմի չի միանում և այլն: Այս թեմայով նախորդ հոդվածում ենթադրել ենք, որ ադրբեջանական հատուկ ծառայությունները աշխատում են տարբեր երկրներում քաղաքական ապաստան գտած ՀՀ քաղաքացիների հետ: Այսօր արդեն ակնհայտ է, որ թիրախում նաև ՀՀ և ԼՂՀ քաղաքացիներն են: Նաև գրել ենք, որ Հայաստանի ԱԱԾ-ն նույնպես պետք է աշխատի այդ քաղաքացիների հետ, որպեսզի այս պրոցեսը կանգնեցնի: Պարզվում է ԱԱԾ-ն իսկապես աշխատում է ՀՀ քաղաքացիների հետ, բայց դա անում է ԿԳԲ-ական հին և հարազատ ոճով: Արևմտյան կրթությամբ, ԱԱԾ երիտասարդ պետը, ըստ երևույթին, դեռ չի հասցրել բարեփոխումներ անել հիմնարկում և աշխատանքային նոր, քաղաքակիրթ ոճ մշակել: Ի՞նչ է անում ԱԱԾ-ն: ԱԱԾ-ն կարծես թե ցուցակագրել է բոլոր այն ակտիվ քաղաքացիներին, մշակութային-հասարակական գործիչներին, ովքեր տեսականորեն հնարավոր է միանան հայ-ադրբեջանական խաղաղության պլատֆորմին: Դրանք առաջին հերթին ընդդիմադիր հայացքներով հայտնի մարդիկ են: Քանի որ ամենասուր ընդդիմադիրները, որոնցից կարելի է նաև ծայրահեղ քայլեր սպասել, համակրանք են տածում«Սասնա ծոերի» նկատմամբ, ապա ցուցակի առաջին հորիզոնականում հենց նրանք են Սասնա ծռերին այս կամ այն կերպ աջակցածները: Կարծում ենք, հենց այս համատեքստում է օրեր աոաջ ԱԱԾ զրույցի կանչվել երգահան Վահան Արծրունին: Նա ոչ միայն հայտնի է իր ընդդիմադիր հայացքներով և անթաքույց համակրում է «Սասնա ծռերին», այլև ամռանը Ազատության հրապարակում մասնակցում էր ժիրայր Սեֆիլյանի տարեդարձին նվիրված հեղինակային երգի երեկոյին: Երեկ հայտնի դարձավ, որ նույն օրերին ԱԱԾ է հրավիրվել քանդակագործ Հարութ Կարապետյանը: Վերջինս, դատելով իր ֆեյսբուքյան էջից, նույնպես համակրում է «Սասնա ծռերին»: Ի տարբերություն Վահան Արծրունու, Հարութ Կարապետյանը հրաժարվել է զրույցի բանավոր հրավերից և օրենքով սահմանված կարգով պահանջել է իրեն ծանուցագիր ուղարկել: Դրանից հետո հեռախոսի մյուս ծայրում գտնվողը անցել է հայտնի նավթալինոտ ճնշման ձևերին. «Արա, դու երևի չհասկացար որտեղից են զանգում, ԱԱԾ-ից են զանգում, դու կապիկություն ես անում»,- քանդակագործի պատմելով ասել է նա: 21-րդ դարի Հայաստանի կրթված քաղաքացուն այս նախադասությամբ այլևս չես ահաբեկի: «Դուք պարտավոր եք ինձ հետ հարգանքով խոսել: Ես ոչ մեկի հետ պարտավոր չեմ հանդիպել առանց ծանուցագրի, այլևս չզանգահարեք ինձ»,- պատասխանել է քանդակագործն ու անջատել հեռախոսը: Էլ ում է ԱԱԾ-ն հրավիրել զրույցի, ով է վախեցել֊գնացել, իսկ ով իրեն գրագետ եւ արժանապատիվ պահել հայտնի չէ: ԱԱԾ ցուցակում թերևս հաջորդը ընդդիմադիր կուսակցությունների անդամներն են, ընդդիմադիր քաղաքացիական ակտիվիստները: Կարծում ենք խոսքը իրականում այնքան էլ մեծ թվով մարդկանց մասին չէ, քանի որ այս դաշտի 50 տոկոսը, եթե ոչ ճնշող մեծամասնությունը ԱԱԾ բոլորովին այլ ցուցակներից են, իսկ «Հիմնադիր խորհրդարանի» անդամների հետ ԱԱԾ-ն առհասարակ որևէ աշխատանք չի տանի, հույսով, որ նրանք կտեղափոխվեն Բաքու` «բացելով իրենց իրական դեմքը»: Այնուամենայնիվ, սույն մարտավարությունը արդյունավետ չի թվում: Համենայնդեպս այն ժամանակ, երբ Վահան Արծրունուն հարցնում էին, թե ինքը ինչ կապ ունի « Հիմնադիր խորհրդարանի» հետ և ինչ միջոցներով է ապրում, արցախցի ակտիվիստը տեսակապով Բաքվի հետ էր խոսում: Իսկ գուցե արժե Հայաստանի և Արցախի բնակչությանն ուղղված կո՞չ տարածել, որտեղ կլինեն կոնկրետ անձանց նկարները և Բաքվից նրանց գործունեության նկարագրությունը: Եթե ԱԱԾ-ն պատվից ցած է համարում նման կոչը, որովհետև նաև իր պատճառով է այդ անձը հայտնվել Բաքվում, դա կարող է անել ՊՆ-ն, ոստիկանությունը կամ կապի, տրանսպորտի և տեղեկատվական տեխնոլոգիաների նախարարությունը: Որևէ պետական գերատեսչություն: Ի վերջո, ՀՀ քաղաքացիները պարտավոր չեն դեմքով ճանաչել Բաքվում աշխատանքի տեղավորվածին եւ կարող են զրույցի բռնվել ցանկացածի հետ ցանկացած թեմայով: Այդ դեպքում առնվազն մարդկանց հեռախոսով ԱԱԾ հրավիրելու ծիծաղելի գործելաոճի կարիքը չի լինի, մինչեւ տեսնենք` Գեորգի Կուտոյանի ֆլետչերյան կրթությունը ինչով կարող է օգտակար լինել ժողովրդին և պետությանը: Օրվա մյուս հապարակումներին ծանոթացեք թերթի այս համարում:
Հետևեք մեզ Viber-ում
