Նաիրա Զոհրաբյանին մտահոգում է խմբակցությունից դուրս եկողների պահվածքը

Այսօր Ազգային ժողովում ԱԺ կանոնակարգ-օրենքի նախագծի քննարկման ժամանակ  «Բարգավաճ Հայաստան» խմբակցության ղեկավար Նաիրա Զոհրաբյանը հարց ուղղեց այն պատգամավորների լիազորությունների մասով, ովքեր տարբեր պատճառներով դուրս են գալիս խմբակցությունից։ «Եթե այս կամ այն պատգամավորը այս կամ այն պատճառով գտնում է, որ իր վեհ գաղափարները չեն համընկնում խմբակցության գաղափարներին և դուրս է գալիս, ես հասկանում եմ որ մանդատ դնել-չդնելու խնդիր չեն բարձրացնում և դա սահմանադրական նորմ է, բայց նա պե՞տք է շարունակի օգտվել խմբակցության ընձեռած հնարավորույթուններից, աջ ու ձախ հարցազրույցներ տա՝ վարկաբեկելով տվյալ խմբակցությանը, այն դեպքում երբ խմբակցության ռեսուրսների հաշվին եկել է խորհրդարան»: Ի պատասխան՝ Հ. Սահակյանը նշեց, որ օրենքը աջ ու ձախ հարցազրույցներ տալու սահմանափակում չի կարող դնել, իսկ թե խմբակցության անդամներից ով որ հանձնաժողովում պետք է ներկայացվի և այլն, դրվելու է խմբակցության կողմից:«Աջուձախ հարցազրույցներ տալու որևէ սահմանափակում կանոնակարգ-օրենքը չի կարող դնել։ Իսկ խմբակցության  իրավունքներից, որ, օրինակ, խմբակցության անդամներն են, որ պետք է լինեն համապատասխան համամասնությամբ բաժանված հանձնաժողովի նախագահներ, հանձնաժողովի տեղերը, բարեկամական խմբի անդամներ, դա լինելու է խմբակցության որոշմամբ»։