Թրիքից էն յան իրանց պապաները բան չեն տեսել.Հեղինե Բիշարյան
ԱԺ-ում մտքերի ՕԵԿ խմբակցության ղեկավար Հեղինե Բիշարյանը կարծիք հայտնեց.«Մեր երկրում բոլոր ուղղություններով վխտում է կոռուպցիան, կաշառակերությունը, ապօրինի փողերը:Այսօր կոռուպցիոն ռիսկեր են պարունակում նաեւ բարեգործությունները:Մեկը միլիոններով փող է թափում, մեկը չի ասում՝ մի հատ արի տեսնեմ, այդ ո՞ր փողերից ես բաժանում»: Ըստ Հեղինե Բիշարյանի՝ գումար բաժանելու պրոցեսը կսկսվի նաեւ ընտրություններից առաջ. «Վաղը ռեյտինգային թեկնածուները բերելու են եւ մեշոկներով փողերը բաժանելու են»: Խոսելով Մոնումենտում կառուցված տների շքեղության մասին,տիկին Բիշարյանն ասաց. «Ներքին հարդարանքները, վարպետները դուրս են գալիս, կիլոյով ոսկի են օգտագործում պատերը ներսից զարդարելու համար: Ի՞նչ է, հետները տանելու են այն աշխա՞րհ, ի՞նչ են անելու, այս որտեղից»: Նա անդրադարձ կատարեց նաեւ Հայաստանի մեծահարուստների ծնողներին՝ կարծիք հայտնելով, որ հնարավոր չէ գումարը նրանցից ժառանգած լինեին. «Այդ ո՞ւմ պապաներն են գումար տվել, որ չենք ճանաչել իրենց պապաներին, թրիքից այն կողմ բան չէին տեսել իրենց պապաները: Հիմա իրենց երեխաները միլիարդատեր են, միլիոնատեր չեն: Հիմա այդ մարդիկ եկել են եւ սովորեցնում են, որ օրենքներով պետք է առաջ գնան»:
Հետևեք մեզ Viber-ում
