Հալեպում հրադադար հաստատելու մասին համաձայնագիր են կնքել
The Guardian թերթը՝ վկայակոչելով բարձրաստիճան թուրք պաշտոնյայի հայտնում է,որ Ռուսաստանը և Թուրքիան համաձայնագիր են կնքել Հալեպի խաղաղ բնակիչներին և զինված ընդդիմությանը տարհանելու վերաբերյալ։ Այս համաձայնագրի շնորհիվ Հալեպի արևելյան շրջանների բնակիչները ողջ մնալու հնարավորություն կունենան։ Պարբերականի տվյալներով՝ համաձայնագիրը, որը ձեռք է բերվել Թուրքիայի հետախուզության և ռուս զինվորականների միջև, ներառում է նաև հրադադարի հաստատում Հալեպի տարածքում։ « Անկարան և Մոսկվան համաձայնագրի պայմանները կատարելու երաշխավոր են, ինչը թույլ կա խաղաղ բնակիչներին և չափավոր ընդդիմության մարտիկներին հեռանալ Հալեպից և գնալ Իդլիբ։Հենց որ նրանք հասնեն Իդլիբ, կարող են ազատ տեղաշարժվել»,-հավելել է նա։
Հետևեք մեզ Viber-ում
