«Նախագիծն այս տեսքով իրավունք չունի հաստատվելու». Խաչատուր Քոքոբելյան

Այսօր ԱԺ-ում քննարկվում էր Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին, Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքում լրացումներ և փոփոխություն կատարելու մասին, «Պետական կենսաթոշակների մասին» Հայաստանի Հանրապետության օրենքում լրացումներ կատարելու մասին օրենքների նախագծերի փաթեթը երկրորդ ընթերցմամբ ընդունելու մասին հարցը։ hayeli.am-ը ԱԺ պատգամավոր Խաչատուր Քոքոբելյանից հետաքրքրվեց, թե որքանով է նրա համար նախագիծն ընդունելի, ինչին ի պատասխան ասաց, որ կան շատ թերացումներ: «Այս նախագիծն ինձ համար ի սկզբանե ընդունելի չի եղել, հակապես մեթոդաբանության առումով, իսկ զուտ իրավական առումով  հարմարեցված է, որպեսզի բաց չլինի»,- ասաց նա: Ըստ նրա՝ այդ հիմնադրամը, և ընդհանրապես, սոցիալական խնդիրները, որոնք կան, այդ թվում նաև պատերազմի ընթացքում տուժածների ընտանիքների համար, ամոթալի է, որ ներկայացվում են հիմա: «Դա նույնիսկ ամոթ է, որ մինչև այս պահը իշխանույուններն այդ հարցը չեն լուծել: Ուղղակի ցավալի է, որ այս օրենքը շատերը վեր են ածում զավեշտի: Այն որ օրենքի կողմնակիցները պնդում են, թե բանակին վերաբերվող հարցերում պետք է լինել միասնաբար, հենց այդ պնդմանն եմ ես դեմ: Այս նախագիծն այս տեսքով իրավունք չունի հաստատվելու»,-նշեց պատգամավորը՝ միաժամանակ համոզմունք հայտնելով, որ միևնույն է այն ընդունվելու է, չնայած շատերը դեմ են նախագծին: Սոնա Դավթյան