Սա Սերժ Սարգսյանի համար հիմնադրամ է, ՊՆ կողմից ստեղծվող հիմնադրամ. Զարուհի Փոստանջյան
Կառավարության հրավիրած ԱԺ այսօրվա արտահերթ նիստում Պաշտպանության նախարար Վիգեն Սարգսյանի կողմից ներկայացրած ՀՀ պաշտպանության ժամանակ զինծառայողների կյանքին կամ առողջությանը վնաս հասցնելու դեպքում փոխհատուցման մասին նախագծերի փաթեթի քննարկմանը «Ժառանգության» պատգամավոր Զարուհի Փոստանջյանը սուր քննադատաբար մոտեցավ նախագծին. «Չի անցել մեկ տարին չորսօրյա պատերազմից, ու այսօր ունենք ոչ միայն մեր անգին երեխաների կյանքերը, այլեւ տարածքային կորուստներ: Եթե զինվորը սպանվի ՀՀ զինված ուժերում, ապա այդ դեպքում ծնողը ոչինչ չի՞ ստանալու... Հետեւաբար, սա կեղծ գովերգելի նախագիծ է, սա լայն իմաստով կոռուպցիայի նախագիծ է, սա Սերժ Սարգսյանի համար հիմնադրամ է, ՊՆ կողմից ստեղծվող հիմնադրամ է, որ պետք է հավաքագրի գումարներ: Սա հատուկ տուրքի մի տեսակ է նախընտրական շեմում: Իսկ պատերազմը պայմանավորված է եղել, կանխատեսելի է եղել, մենք իմացել ենք, սակայն համապատասխան միջոցներ չենք ձեռնարկել: Պետք է պատասխանատվության ենթարկել Սերժ Սարգսյանին ու քրեական հետապնդում իրականացնել: Կոռումպացված մի նախարար է այստեղ նստած ու հենց նրա կնոջ հայտարարագրից պարզ է, որ հնարավոր չէ, որ նա այդքան գումարներ ունենա: Թող իրենց անձնական գումարները ներդնեն բոլոր այն ընտանիքնների համար, որոնց երեխաները զոհվել են»:
Հետևեք մեզ Viber-ում
