Արփինե Հովհաննիսյանը մերժեց Ուրիխանյանի առաջարկը

Կառավարությունն այսօր  մերժեց ԱԺ պատգամավոր Տիգրան Ուրիխանյանի  առաջարկը՝«Հեռուստատեսության և ռադիոյի մասին» Հայաստանի Հանրապետության օրենքում լրացումներ կատարելու մասին, ըստ որի՝ պետք է  ՀՀ բոլոր հեռուստաընկերությունները ֆիլմերը ցուցադրեն միայն հայերեն լեզվով: «Այն դեռ քննարկման  կարիք ունի:Այդպես միանշանակ փոխել, կարծում եմ, ճիշտ չէ, քանի որ մենք ունենք ազգային փոքրամասնություններ, եւ հետո, բոլոր ֆիլմերը թարգմանել՝ մեծ ֆինանսական բեռ է հեռուստատեսությունների համար, այսինքն՝ փոքր հեռուստաընկերությունները գուցե չկարողանան դա  անել»,-նշեց  Արդարադատության նախարար Արփինե Հովհաննիսյանը: