Վանաձորի ավագանու նիստը կրկին բոյկոտեցին

Դեկտեմբերի 13-ին նշանակված Վանաձորի ավանագու արտահերթ նիստը կրկին չի կայացել՝ ընդդիմության բոյկոտի եւ քվորում չլինելու պատճառով:  Ավագանու նիստին ներկա էին ՀՀԿ-ի 13 և ՀՅԴ-ի 2 անդամները: «Լուսավոր Հայաստանի», ՀՎԿ եւ ԲՀԿ անդամները բոյկոտել էին նիստը: Անհրաժեշտ քվորում չկար, ուստի Մամիկոն Ասլանյանը հայտարարեց, որ նիստը չի կայանում: Հիշեցնենք, որ այսօրվա նիստի օրակարգում էին` Վանաձոր համայնքի ավագանու 2015 թվականի դեկտեմբերի 23-ի «Վանաձոր համայնքի 2016 թվականի բյուջեն հաստատելու մասին» թիվ 55-Ն որոշման մեջ փոփոխություն կատարելու և 2016 թվականի դեկտեմբերի 5-ին Վանաձոր համայնքի Ուկրշին տնակային ավանի թիվ 4 բարաքի հրդեհվելուց հետո անօթևան մնացած ընտանիքներին աջակցելու մասին հարցերը: