Ի՞նչ նպատակով է Կարապետյանը հանդիպել Ծառուկյանին

Մեզ հայտնի է դարձել, որ երկու օր առաջ վարչապետ Կարեն Կարապետյանը հերթաքական հանդիպումն է ունեցել Գագիկ Ծառուկյանի հետ։ Մենք նախկինում գրել ենք նրանց հաճախակի հանդիպումների մասին, ինչը չհերքեց նաեւ Կարեն Կարապետյանը։ ԶԼՄ-ների ղեկավարների հետ հանդիպմանը պատասխանելով «Հայելի»-ի հարցին, Կարապետյանը հաստատեց, որ հաճախ է «անձնական» հանդիպումներ ունենում Ծառուկյանի հետ, որոնց ժամանակ քաղաքական հարցեր չեն քննարկվում։ Վերջին հանդիպումը ուշագրավ է , որովհետեւ Ծառուկյանի՝ քաղաքականություն վերադարձը հաշված օրերի հարց է։ Կարեն Կարապետյանը գուցե փորձում է իրեն ապահովագրել թիրախավորումից։ Գաղտնիք չէ, որ Տիգրան Սարգսյանը պաշտոնանկ արվեց ոչ իշխանական ուժերի եռյակ-քառյակի պայքարի արդյունքում, որի շարժիչ ուժը Գագիկ Ծառուկյանն էր։ Նկատի ունենալով, որ Ծառուկյանը չի կարող Սերժ Սարգսյանին թիրախավորել, ապա այս անգամ էլ կարող է պատմությունը կրկնվել, ուստի անհրաժեշտ է ցանկացած գնով ապահովագրվել։